Aik chand tanha khara raha,

Aik Chand
Aik chand tanha khara raha,

mere asman se zara pare,

mere sath sath safar main tha,

meri manziloon se zara pare,

teri justajo k hisaar say,

tere khawab tere khayaal se,

main wo shakhs tha jo kharah raha,

teri chahton se zara pare,

kabi dil ki baat kahi na thi,

jo kahii to wo bhi dabi dabi,

mere lafz porey to they magar,

teri sam'aton se zara pare,

tu chala gya mere humsafar,

zara daikh mur k to ik nazar,

meri kashtiyan hen jali hui,

tere sahilon se zara pare....