Jis ki jhankaar main dil ka araam tha, Woh tera naam tha
Mere honton pe raksaan jo ek naam tha,Woh tera naam tha
Muj se mansoob theen dastaneen kahi, Aik se aik nayi
Khubsurat magar jo ek ilzaam tha, Woh tera naam tha
Kaise karta kisi aur ki gufhtguh, Yaad tha sirf tu
Muj ko mere janoon ka jo inaam tha, Woh tera naam tha
Suba se shaam tak jo mere paas thi, Woh teri aas thi
Shaam k baad jo kuch lab_e_baam tha, Woh tera naam tha
Dost jitne the na ashna ban gaye, Paarsa ban gaye
Jo mere sath ruswaa sar_e_aam tha, Woh tera naam tha
Gham ne tarikhiyon main uchala mujhye, Maar dala mujhye
Ek nayi chaandni ka jo pahgaam tha, Woh tera naam tha
Tere hi dam se hay yeh kateel aaj bhi, Shaeri ka wali
Is ki ghazloon main kal bhi jo alhaam tha, Woh tera naam tha
No comments:
Post a Comment